https://mp.weixin.qq.com/s/zceBsoN_EiLvitHFv88NMw
2013年开始芒果台年年都会搞《歌手》
每次都邀请啲实力歌手上去
都捧红咗唔少明星
比如之前一直内地冇咩人知嘅GEM
仲有来自韩国嘅黄致列同哈萨克斯坦嘅迪玛希
呢啲原本係内地唔红嘅明星
最近一季嘅《歌手》就开始录制了
芒果台都发咗微博宣布
2018年1月12日起又开波拉~
按照芒果台咁多季阵容搭配嘅套路
基本上每次歌手啲阵容都会係咁
▼
香港、台湾歌手最少都要有一个
外国实力歌手来一个
新人或者唔係咁熟悉嘅隐世歌手要来一个
好耐冇出来唱歌嘅老前辈来一个
如果有乐团来一队都可以
最紧要揾翻一两个大家都好熟悉有话题嘅歌手
其实喺好早之前就已经爆料杨千嬅会上
果时仲话会连同郑秀文上
但后来一直都冇回应到呢件事
而周末千嬅喺红馆开演唱会
网上又再次爆出佢会参加《歌手》
有记者就一直问千嬅会唔会真係会参加?
经纪人否认咗参加
网上一直曝有千嬅但宜家否认
睇来千嬅佢地唔多so芒果台
其实千嬅之前有暗指话想退休,人生有新阶段
想好好地咁休息下
如果上《歌手》要耗费更多嘅时间
同成班歌手比赛练歌
而且自己嘅演唱会又仲火热进行中
分身乏术,参加机会唔大
虽然之前阿妹参加过音乐综艺
但做咗一年就即刻唔玩了~
今次再又音乐综艺揾上门,阿妹本来係唔拒绝嘅
有记者探过佢口风
佢嘅回应就被人好大嘅联想空间
似乎好大机会会上节目
据说今次芒果台摞出重金邀请阿妹
4200万请阿妹做首发
咁吸引嘅价钱肯定要霖清楚先得啦~
但就喺前两日
阿妹经纪人就喺fB上po咗张图
似乎表明阿妹唔会参加,大家唔好再问嘅意思
兜兜转转都係倾唔埋栏
有可能人地觉得
自己都已经天后了唔需要参加呢啲节目
同成班人做show啦~
不过更大机会係啱啱阿妹先发咗新专辑
忙住宣传自己专辑冇时间
可能係因为上次张韶涵上过《蒙面唱将》
而且今年佢成日出现係内地
参加各种唔同嘅综艺节目
大声宣布自己“come back”
以张韶涵把声嘅辨识度的确有参加嘅可能
汪峰早几日就被大V灯灯爆料
大家唔使估估下,佢已经确定参加啦~
撑起内地摇滚半个江山
做咗咁多期《中国新歌声》音乐综艺
参加呢啲节目全部冇问题
去到外省好多地方都听到有人播佢嘅歌
汪峰嘅群众基础几大
但除咗摇滚,汪峰仲有乜嘢类型呢?
薛之谦爆出丑闻之后
又真係被黑到又沉咗一段时间少出来
自果次之后,薛之谦一直都强调
自己係歌手,唔会忘记自己做歌手嘅身份
今次签咗《歌手》做补位歌手
係咪又想证实自己?
之前薛之谦的确爆红咗一段好长时间
综艺,唱歌,出专辑一件不拉
一开始听过几首真係几好听
但后来觉得佢啲歌越来越单一,冇咩嘢突破
宜家上《歌手》
要翻唱、改编人地嘅歌真係唔知得唔得咧?
好多人睇到嗰名会话边个来噶
如果听开英文歌嘅人就肯定识佢“结石姐”~
《price tag》、《Domino》係佢代表作
但上《歌手》佢要唱中文歌
真係有啲唔敢想象~
上季《歌手》好多媒体都已经宣布
断眉隔Charlie Puth会参加
但后尾临门一脚先话拒绝咗唔参加
喇喇声揾咗迪玛希出来帮拖
今次又一早放风出来话请jessie j
请唔请到成真係一个迷~
今日Gai微博突然发咗一条
关于《歌手》嘅文章
仲话自己会好好努力,唔会失礼人
但后来Gai又自己澄清话係被盗号
虽然澄清咗,但好多人都话希望佢参加
连大V灯灯都多次为佢打电话
参加都唔係冇机会噶~
今年《中国有嘻哈》
将一众说唱歌手带进大众视线
而Gai作为冠军
后来仲参加咗《蒙面歌王》
再一次被大众知道原来唔止rap好听
就连唱歌都咁鬼好听
声音有啲沙哑之中带啲沧桑,一听就觉得故事
连小编都被佢係《蒙面》嘅表演圈粉啦!
宜家可以确定参加嘅係汪峰、薛之谦
其他歌手大家都係估估下
虽然网上嘅爆料都係半真半假
想知到底有边个都係等最后官方宣布
大概都係呢一两个星期噶啦~
但係好多嘢都话唔埋
即使官方宣布最后有咩突发情况
芒果台又突然剪晒果个歌手都唔出奇噶~
如果有你啱心水嘅歌手
不妨睇睇啦~